১
উশাহত তেজ জ্বলে
নিশাহত বতাহ জ্বলে
কি দিন কি হ’ল
প্ৰজ্ঞাৰ ভৰত দিনতে আন্ধাৰ হ’ল
২
বঙহে মঙহলৈ চাই থাকে
সপোনে নিৰৱে বিচাৰে বাট
তই থাক মই থাক
অহংকাৰত ডুবি মই মৰো
৩
এইটো কাৰ দ’ল
আমাৰ দ’ল
আমাৰ দ’ল, আমাৰ দ’ল
ক’লী কুকুৰ বগী কুকুৰ নামাতোতেই
আমাৰ দ’ল ঘেকেচ দ’ল
৪
একালৰ বৃন্দাবন নাই তাত আমাৰ মন
চলে বেৰে ক’লা ৰং সান
তোৰ ভাগে তোৰ ভাগ
মোৰ ভাগে মোৰ ভাগ
হৃদয়ত জ্বলাই ল ৰাৱণৰ চিতাজুই
৫
আমাৰ কপোৰ কানি ক’লা হ’ল
সাধুহে কোৱা নহ’ল
মুখেৰে সাত হাল
হৰি বোলা ৰাম ৰাম
এনে এখন সমাজক কি দিব নাম
নীতিৰ কথা কৈ গুৰু-গোসাই নমনা
হৰে কৃষ্ণ হৰে ৰাম।
— যোগেন তামুলী