Home কথাশিল্প মিৰি নামৰ উৎপত্তি

মিৰি নামৰ উৎপত্তি

by admin
0 comment
satirtha image-16

মিৰিসকলৰ বিষয়ে বিৱৰণ দাঙি ধৰা প্ৰায় সকলো পণ্ডিতে এই কথা উল্লেখ কৰিছে যে মিৰি নামটো অসমীয়াই দিয়া নাম আৰু অসমীয়াত ইয়াৰ অৰ্থ হ’ল– মধ্যস্থতাকাৰী, মধ্যভোগী, দোভাষী, মাজৰ মানুহ ইত্যাদি।

          ডেল্টনেকৈছে– “অসম চৰকাৰ আৰু আবৰৰ মাজত চলা সমস্ত ব্যৱসায় দীৰ্ঘদিন ধৰি মিৰিসকলে চৰকাৰৰ অধীনত চলাই যাবলৈ সক্ষম হৈছিল। এইদৰে দুটা জাতিৰ মাজত চলা ব্যৱসায়ৰ একমাত্ৰ মাধ্যম হিচাপে কাম কৰাৰ কাৰণে তেওঁলোকে মিৰি নামটো পালে যিটোৰ অৰ্থ হৈছে মাজৰ মানুহ বা মধ্যস্থতাকাৰী।” কিন্তু অসমীয়া ভাষাত মধ্যস্থতাকাৰী, মধ্যভোগী, মাজৰ মানুহ সূচাবৰ বাবে মিৰি বুলি কোৱা শব্দ নাই। ‘হেমকোষ’ৰ মতে মিৰি শব্দৰ অৰ্থ হৈছে– “বহুকালে ভৈয়ামত বাস কৰা এজাতি পৰ্বতীয়া মানুহ”।

          ভৈয়ামৰ মিৰিসকলে প্ৰাচীন কালৰে পৰা নিজকে মিচিং বুলিহে পৰিচয় দি আহিছে। তেওঁলোকে কোনোকালেই নিজকে মিৰি বুলি পৰিচয় নিদিয়ে। আনহাতে অনামিচিং লোকে তেওঁলোকক মিৰি বুলিহে জানে, মিচিং বুলি নাজানে। সেইকাৰণে একালত মিচিং লোকেই বাহিৰত নিজক মিৰি বুলি পৰিচয় দিবলৈ প্ৰয়াস কৰা দেখা গৈছিল।

          যি কি নহওক, সম্ভৱতঃ জে এফ নীধ্যামেই প্ৰথমে এই সত্যটো উদঘাটন কৰিবলৈ সক্ষম হৈছিল যে ভৈয়ামৰ তথাকথিত মিৰিসকলে প্ৰকৃতপক্ষে নিজকে মিচিং বুলিহে পৰিচয় দিয়ে। তেওঁ উল্লেখ কৰিছে যে শদিয়াৰ আশে পাশে ব্ৰহ্মপুত্ৰ, দিহিং আৰু দিবং নৈৰ পাৰে পাৰে বসবাস কৰা মিৰিসকলে নিজকে মিচিং বুলিহে কয়। সিফালে আদিসকলৰ মিঞং সমাজত প্ৰচলিত মিচিং শব্দটোৱে মিপাক শব্দৰ বিপৰীত অৰ্থ প্ৰকাশ কৰে। মিঞং সমাজত প্ৰচলিত লোকপ্ৰবাদ অনুসৰি পৃথিৱীৰ বুকুৰ পৰা মিঞংসকল ওলাই অহাৰ সময়ত তেওঁলোকে এটা মেঠুন মাৰিছিল। মেঠুনটো কাটি ভাগ-বতোৱাৰা কৰিবলৈ লোৱা হ’ল। প্ৰতিটো গোত্ৰৰ লোকক নিজৰ নিজৰ আসনত বৃত্তাকাৰে বহিবলৈ দি মাংস ভগাই দিয়া হ’ল। সকলো গোত্ৰই মাংসৰ ভাগ পালে। কিন্তু ‘দুপাকঃ’, ‘গাৱ’ আৰু ‘মেচাৰ’ গোত্ৰই মাংসৰ ভাগ নাপালে। সেইকাৰণে এই তিনিটা গোত্ৰৰ লোকক ‘মিপাক’ বুলি কোৱা হ’ল আৰু আনবোৰ ‘মিচিং’ হ’ল। আন এক লোক প্ৰবাদমতে এজন লোকৰ পত্নীক অৗপম [দেও বিশেষ] এ অপহৰণ কৰি নি বলপূৰ্বকভাৱে নিজৰ তিৰোতা কৰি লয়। অৱশেষত লোকজনে দেওটোক মাৰি নিজৰ পত্নীক উদ্ধাৰ কৰে। সিহঁতৰ বংশধৰসকলেই ‘মিপাক’ হ’ল। আনহাতে জে এইচ লৰেইনৰ ট্ট ড্ডiন্তুব্ধপ্সnaব্জম্ভ প্সন্দ্ৰ ব্ধhঙ্গ ট্টbপ্সব্জ প্পiব্জi ন্ত্ৰnন্ধuaন্ধঙ্গ শ্চ১৯১০গ্ৰ ত মিপাক শব্দৰ অৰ্থ অসমীয়া, বিদেশী, প্ৰবাসী, সমাজচু্যত, অঘৰী আৰু মিচিং শব্দটোৱে স্বাভাৱিকতে অধিকাৰ সম্পন্ন লোকৰ বংশধৰ বা ভাল মানুহ আদিকো সূচাইছে। নিজক ভাল বা শ্ৰেষ্ঠ প্ৰতিপন্ন কৰিবলৈ বিচৰা মানৱ গোষ্ঠীৰে সহজাত প্ৰবৃত্তি।

পম্পী পেগু

সম্পৰ্কীয় লেখা

Leave a Comment

* By using this form you agree with the storage and handling of your data by this website.

This website uses cookies to improve your experience. We'll assume you're ok with this, but you can opt-out if you wish. Accept