আবেলি

পদূলিৰ কৃষ্ণচূড়াৰ চিৰিলি চিৰিলি পাতত

ওলমি আছে আবেলিটো বতাহত বিয়পিছে

সেন্দুৰীয়া আভাৰ গোন্ধ পশ্চিমৰ ভাগৰুৱা আকাশ।

অ’ বেলি লাগেনে তোৰ ভাগৰ

পাৱনে এফেৰি মৰমৰ কোলা

পৰেনে মনত তোৰ পুৱাৰ ওমলা সুৱদী সুৰীয়া গীত।

দিনটো উমলি থকা সখীবোৰ বাহলৈ যাব

হাঁহি কান্দোনবোৰ তোৰ বুকুত থ’ব

তই সুখৰ নে দুখৰ।

আবেলি হেঙুলীয়া আবেলি

তোৰো ছাগৈ প্ৰিয়জন আহিব গধূলি

গোলাপী গালত তই লাজুকী আবেলি।

— সৃষ্টিবাণী দাস

Leave a Reply

Your email address will not be published. Required fields are marked *